In'n November 2012 hebbt wi den Plattdüütschen Vereen "LünePlatt" grünnt. Wat wi wüllt, is, dat uns plattdüütsche Spraak Stück för Stück en grötter Rull speelt in uns Alldag un in de Öffentlichkeit.

Wi vernetzt de engageerte Arbeit vun so vele Lüüd in uns' Landkreis.

Wi maakt Veranstaltens, de en lütten Kring nich so eenfach op de Reeg kriggt.

Wi ünnerstütt dat, wat al löppt un packt Ne'et an.

In't Johr 2022 hett LünePlatt teihnjähriget Jubiläum mit dree Veranstaltens fiert.

Dat geev en plattdüütschen Avendgottesdeenst in de Klosterkark Lüne.

An den Avend vörher is en Bus mit Matens to de twete grote Plattdüütsch Gala na Bremen föhrt. De Gala is vun Werner Mommsen un Yared Dibaba modereert worrn. Hier hett dat "Who is who" vun de Plattdüütschszene den Avend to en besünneret Beleevnis maakt.

Dat geev ok ene Jubiläumsfier mit en Vördrag vun Garnet Grünhagen mit dat Thema "Ik seh wat, wat du nich sühst.

Avends is Jan Graf bi de Jubiläumsfier to Gast ween.

Un keen nu Lust hett to´n Mitmaken:  Formular rünnerlaaden oder anropen ünner de Nummer an de Siet. Wi freit uns to jedeen, de dorbiween will. Ok Lüüd, de (noch) keen Platt künnt, dröfft mitmaken!!

1. Vörsitter:                             Johannes-Gerhard Nagel

2. Vörsitter:                            Günther Wagener

3. Vörsittersche                     Christine Marquardt

Kassiersche:                           Beate Meyer

Schrieversche:                       Annette Weiser

Bisitter:                                   Andreas Meyer, Klaus Stehr, Andreas Ehlers

Plattdüütschbeopdragter:   Kai Lührs