Günther Wagener

   Wo kummst Du her?

Born 1947 in Rodenborg an de Wümm un opwussen op´n Burenhoff in Mulmshorn.

 

   Woans is dat bi Di anfungen mit’n Schrieven? Un worüm op Platt?

Op dat Schrieven hett mi Helmut Möhring so üm 2001 bröcht. Domals harr he de LZ Geschichten an´t Wekenenn ünner sik un söch Schrieverslüüd.

 

 

Wat hest Du anners in Dien Leven maakt? Wat hest Du noch so vör?

Na´t Abitur twee Johr bi de Bundeswehr, Studium in Lümborg un dorna meist 40 Johr Schoolmester in Dahlenborg, Bleck´d un 25 Johr in Bad Bämsen in´t Schoolleitungsteam vun de Fritz-Reuter-School (KGS).

Na de Pension 2010 kümmer ik mi üm Huus un Goorn un üm mien söss Grootkinner. Siet 2011 bün ik Plattdüütschbeopdragter för de Hansestadt un den Landkreis Lümborg un in´n Vörstand vun Lüneplatt e.V.

 

Wo bliffst Du mit Dien Texten af?

Middewiel sünd woll so bi 40 Geschichten vun mi in de LZ afdruckt worrn. Een poor sünd ok in´n Kreisboten kamen.

 

Gifft dat Böker vun Di?

Mit Ekhard Ninnemann tohopen heff ik dat Book vun Horst Pohl, Dat is Platt, Cartoons – Frischweg ut den Noorden, Schünemann Verlag, Platt maakt. Ik heff Ekhard ok holpen bi dat Book över de Sulteknechte un bi Penelope.

 

Wat dat anners noch to seggen gifft:

     Siet 1998 geev ik Plattdüütsch-Kurse an de VHS, heff den Kring „De Plattsnackers in un üm Adendörp“ ünner mien Leit un maak Lesungen op Anfraag.

 

Woans kann een Di tofaatkriegen?

Mien Adress:

Im Fuchsloch 33a

21379 Scharnebeck

Tel. 04136/9136290

Mail: guenther.wagener@t-online.de