Hartmut Großmann

 



Wo kummst Du her?

     Ik bün in Breslau/Schlesien (1943) born.


Wannehr is dat bi Di anfungen mit’n Schrieven?

As ik in Penschoon weer, 2004.


Un worüm op Platt?

Wieldat ik de Spraak mag. Mien Swiegeröllern weern kumpleet plattdüütsch. Dor heff ik so'n beten en Geföhl för de Spraak kregen. Se höört to uns Gegend to.


Wat hest Du anners in Dien Leven maakt? Wat hest Du noch so vör?

Ik weer 35 Johren Schoolmester (Ingelsch un Sport) an't Alexander-von-Humboldt-Gymnasium in Horborg. Eerst heff ik na de Penschoon in uns Kinnergoorn vörleest un Plattdüütsch mit de Kinner maakt, siet 2008 maak ik Platt in uns Grundschool in Stell.  Butendem  sing ik noch bi den Hamborger Shantychor "De Tampentrekker" (wo ik ok Pressespreker bün), bün de Primus vun de Grönkohl-Holding zu Winsen k.e.V. (dat sünd ole Handball-Frünnen. Ik weer teihn Johr Handballtrainer bi de HGW), speel regelmatig Korten mit mien ole Football-Kumpels vun vör över 40 Johren, bün Maat bi'n Plattschnackerkring in Stell un bi För Platt, un – heff en Enkel vun 8 Johren (wat meist dat Wichtigste is). Schrieven do ik ok noch - wenn mi wat infallen deit.


Wo bliffst Du mit Dien Texten af?

Vörlesen. LZ- Magazin: Rubrik "Wi snackt Platt". Wettstrieden: NDR (Vertell doch mal) oder bi Krings (as in Ogenblick för "För Platt"). Villicht heff ik tokamen Johr en nee'et Book tohoop.

       mien Book:

Düt un dat - un süs noch wat

Berlin: epubli GmbH 2013, 166 S.

In düt Book finnt een ganz ünnerscheedliche Geschichten för grote un lütte Lüüd. Ut mien egen Beleven, wat to'n Högen, wat to'n Sinneren un en poor Gedanken över uns moderne Welt (inpackt in Satire). Mit Woortverkloren.

Woans kann een Di tofaatkriegen?

Hartmut Großmann

Amselweg 10

21435 Stelle

Tel.: 04174 3761