Hans-Heinrich Dützmann


Wo kummst Du her?

An‘n 23. Februar 1939 bün ik as Buurnjung in Karz born. Bün mang Knechten un Daglöhners upwossen un heff dorbi de plattdüütsche Spraak lehrt.

 

Woans is dat bi Di anfungen mit’n Schrieven? Un worüm op Platt?

Wü bün ik dor up kamen? Datt allererstemal up mien Konfiermatschionsdach an‘n 11.04.1954. Mien Tante Berta snack nur platt, se harr all een poor Glas Wien drunken, plötzlich steiht se up an‘n Kaffedisch un driggt datt Gedicht von Rudolf Tarnow vör: „De Kattenswanz“.So schön un utdrucksvull, datt ik hell begeistert wör, datt ik mi sech hefft: „Datt wullt du ok mal können!“ Johre lööter heff ik denn noch een kennenlernt, Fritz von Möhlenbach ut Bleckd, de ok Rudolf Tarnow utwennig vördrägen könn un Trude Lühr, de mit ehr 90 Johr ok hüüt noch upträd. Du kennst se doch? Platt aktiv bün ik denn vör good 30 Johr worn; as in Bleckd de Kultur –und Heimatkreis  gründ wör, meent ik, Platt hört ok dorto. 1978 heff ik denn ganz vosichtig, anonym in de Bleckder Zeitung mit Plattbidrääg anfongen. Donnerwetter, datt harr ik nich dacht, groodet Interesse, all wollen nu wäten, wer schrift dat, as „joun Bleckde Heinch“, so heff ik mi nennt. Langen könn ik datt nich holen un datt keum ruut un nu güng datt wieder mit plattdüütsche Abende, Vördrääg un väles mehr.


Wat hest Du anners in Dien Leven maakt? Wat hest Du noch so vör?

Ik heff de Volks-, Mittel- un Ackerbooschool besöcht, heff mien Meister maakt un wör 32 Johr Buur in Vogelsang.

Weil vun miene dree Kinne keen en dann Hoff wiedemaaken wöll, heff ik em nu vepacht un kümmer mi üm de plattdüütsche Spraak un üm de Jagd in mien Revier in Vogelsang.

Mi geiht datt üm de Natur, Kultur un üm de Landwirtschaft hier an de Elv. Alls mit Vernunft un Oogenmaat in düsse nich ganz lichte Tied.

2002 heff ik in de Bleckder Grundschool mit een AG anfongen,  jümmer mit 10-12 Kinner. Plattdüütsch lehrn un dormit Naturschutz, Landwirtschaft un Jagt mit inbringen. Plattdüsche Abende in verschiedene Kreise hool ik af, eenmal pro Johr in Bleckd, mit helpen deit mi dorbi M. Schröder.

Ik will noch mehr plattdüütsche CDs maken. Väle Lüüd könnt platt kuum läsen, snacken, ok nich upschrieben, vestaht aber allens. Nu verseuk ik dat mit de CD un mehr. Geschichten ut mien Book, na Themen sortiert, jümmers 25 Geschichten.


Wo bliffst Du mit Dien Texten af?

Fastholen heff ik allens in mien Book „Platt ut Bleckd“. Rund 200 Geschichten ut Bleckd un annerswo (130 Beuker heff ik an den man nun an de Froo bröcht). Ok miene erste CD heff ik ruutbröcht.

     mien Book:

Ssüh, Platt ut Bleckd

Bleckd: Druck & Verlagshaus Bleckede 2012

220 S.

Wat dat anners noch to seggen geev:

     Ik möch, datt de schöne plattdüütsche Spraak erholen blifft, ik snack de to gern un bün jümmer froh, wenn ik Lüüd drääp, de platt snackt, un datt nu all öber föftig, sösstig Johr.


Woans kann een Di tofaatkriegen?

Hans-Heinrich Dützmann

Landwirtschaftsmeister

Bleckede

Ortsteil Vogelsang Nr.4