Horst Jürgens

Wo kummst Du her?

Op de Welt kamen bün ik 1947 in Drakenborg (Drakenburg) bi Neenborg/Weerse (Nienburg/Weser) un laterhen bün ik in dat Naverdörp Holtrup (Holtorf) opwussen.

 

Woans is dat bi Di anfungen mit’n Schrieven?
Anfungen mit Riemeln op Hoochdüütsch heff ik 1993. Dat Riemeln maakt mi ook hüüt noch düchtig Spaaß un rutsuurt is dorbi een lüttje Gedichtband mit deepdenkern un lustige Gedichten, den ik 2013 in’n Egenverlag rutgeven heff.

 

Wat hest Du anners in Dien Leven maakt? Wat hest Du noch so vör?
Na de Volksschool in Holtrup un de Realschool in Neenborg heff ik Discher lehrt, achterna den Wehrdeenst bi’n Bundesgrenzschutz in Dodendiek (Bodenteich) afreten un dorna in Neenborg Boingenieurwesen studeert.
Siet 1969 bün ik verheirad. 1973 bün ik mit miene Froo un usen öllsten Söhn na Veern (Verden/Aller) trocken un op’n Waterwirtschaftsamt anfungen., as Booingenieur. Twee Johr later, de Twillingsjungs wöörn jüst to Welt kamen, bün ik mit miene Familje na Staad (Stade) an de Elv trocken. Dor heff ik söven Johr in de Bezirksregierung in Staad un siet 1980 denn in de Bezirksregierung in Lümborg arbeid. Siet Januoor 2005 bün ik bi den NLWKN (Nds. Landesbetrieb für Wasserwirtschaft, Küsten- und Naturschutz) in Lümborg togang ween un siet 1. Mai 2009 bün ik Rentner.

 

Mien plattdüütsche Böker:

o   Utdacht un opschreven.

Plattdüütsche Alldagsgeschichten
2. Oplaag Lümborg 2013

– ok as Hörbook to hebben –

 

o   Loppt sik allens trecht

Nee Geschichten op Platt

2. Oplaag Lümborg 2013

 

o   Sowiet allens in´n Loot …

meent Gerda. Geschichten to´n Smuustergrienen

Lümborg 2013

 

o   Düchtig wat to´n Högen
Dööntjes un lütt Geschichten
Lümborg 2013


Anners noch:
Geern stell ik miene hoochdüütschen Riemels un de plattdüütschen Geschichten to’n Högen op Lesungen vör. Köpen kann een de in Lümborg in de Bookhandlung an’n Markt un bi mi tohuus. Eenfach anropen!

 

Woans kann een Di tofaatkriegen?

Hasselberg 13

21339 Lüneburg

Tel. 0 41 31 / 18 99 44 (daagsöver, beter is na Klock söss)