Harvst-Kunzert 2014 - wat för "Leckerohren"!

27. September 2014 | 20 Uhr

Bardowick, Kirche auf dem Nikolaihof

(Schwarzer Weg, Ecke St. Nikolaistraße)

Dat Otto Groote Ensemble, aktueller Bad-Bämsen-Priesdräger för Musik, gifft op Inladung vun Lüneplatt e.V. en Kunzert in Bewik in de Kark op den Nikolaihoff, de jüst frisch renoveert is un för sik al en Besöök wert is.
Otto Groote is en Ledermaker, de depe Wuddeln in de plattdüütsche Musik slaan hett. In sien Leder klingt de düütsche Norden: ehrlich un mit Deepgang, sien Songs sünd jümmer ok wat för Leckerohren.

De mehrsten vun sien Titels kaamt ut sien egen Fedder; wenn he Titels vun Kollegen speelt, dennso nie nich ahn jem en egen Drall to geven mit sien egen Bearbeiden.

Binnen korte Tiet hett Otto Groote sienen Platz ganz vörn mang de Folkmusikers funnen un al mehrere CDs rutbröcht. Sien Band steiht hoch in’n Tell bi Folkclubs, Kuturbühnen un Festivals in Norddüütschland un in de Nederlannen.

Kortenpriesen: EUR 12,00 / EUR 10,00 (Mitglieder Lüneplatt)

Reservierungen: Telefon 04131 / 224 33 25 und info@lueneplatt.de

Kortenvörverkop: Bökerstuuv Bewik un Adendörp