Plattdüütsch-Veranstalten


                                  Rüsch dien Plattdüütsch op! En Patenschap för Platt, dat is doch wat!!

                                                                                  (Keen Plattkurs, avers en lütt Spraakbad)

                                                     En poor vun uns Maten vun Lüneplatt, de sünd praat un geern mit dorbi - velen Dank!

 

Woans schall dat lopen? - Eenmal alle veerteihn Daag oder eenmal in de Week sik drepen över ümto en Vierteljohr.

Snacken to tweet oder drütt . Vertellen. Uttuschen. Un sien Platt op wat sekere Been stellen.

Eenfach Platt snacken för ümto een Stünn. Dat hölpt bannig goot. Dat bringt dien Plattdüütsch op de Been.

Vermiddeln deit dat uns Vörstandsmaat Ekhard Ninnemann.

Bit dato hebbt sik söss frünnlich Plattsnackers meldt, de dat maakt. Danke dorför!!!

Du kannst Ekhard anropen oder em noch beter en Mail tostüern. Telefon 04131/402916 oder e.ninnemann@gmx.de.

He vermiddelt denn, dat du mit een vun uns Plattdüütsch-Maten ut Lüneplatt to'n Snacken tosamenkamen kunnst.

Geern bi en Tass Koffie in en Caféhuus oder ok tohuus oder, wenn't nich anners geiht, villicht ok mal an't Telefon.

                                                                   Troo di wat un rüsch dien Platt op!

 

Dankbar sünd wi ok för noch mehr freewillige Platties, de Lust hebbt, mit Lierners af un an to snacken.

Eenmal alle veerteihn Daag oder ok eenmal in de Week, un jümmers för en Vierteljohr.

                                                                       Weer dat nich ok wat för di?

 

Trüchmellen, woans dat lopen deit, bi Ekhard. Address kiek baven!


Sünndag, 19. Dezember 2021 - Klock 10  - Emmaus-Kark  in Adendörp 

 

Plattdüütsch Gottesdeenst mit de Plattsnackers un den Posaunenchor Lüne

 

Lännerzentrum för Nedderdüütsch

Dat Lännerzentrum för Nedderdüütsch, wat de noorddüütschen Länner toseggt harn, as se dat INS in Bremen dat Geld streken hebbt, dat schall nu sien Arbeit opnehmen mit Christianne Nölting as Geschäftsföhrersche.
Genauere Infos dorto gifft' in en Pressemitdelen vun dat Ministerium för Wetenschup. Woans dat Institut to erreichen is, steiht dor noch nich in. De Läner hebbt woll för den lopen Bedriev, man nich in'n nödigen Ümfang för't Inrichten vun de nee'e Inrichtung Geld lockermaakt ...